meripriyatiya - Школа №32 г.Астана

Название страницы

с 1 по 20 марта в школе проходил конкурс по двум номинациям:

1. «Наурыз нақыштары» номинациясы – кез-келген графикалық редакторларда салынған өзіндік суреттер.

2. «Наурыздың жауһаз сырлары» шығармашылық номинациясы – байқаудың тақырыбына сәйкес өзіндік ой-толғау, шығарма, тақпақ-өлең, эссе мазмұнында.

Положение о конкурсе «Қош келдің, Әз-Наурыз!»:>>

Представляем на суд посетителей сайта рисунки и сочинения учащихся, победивших в школьном туре.

1. "Шанырак", Абдрахманова Рабина, 8А класс
2. "Девушка с домброй", Михеева Ксения, 8Д класс
3. "Весна в степи", Абильдашова Анара, 10В класс
4. "Тюльпаны к празднику", Нечипоренко Кирилл", 9Б класс.

7 «А» сынып оқушысы Байжомартова Айдана

Мұғалімі: Сералимова Р.С.

8 «е» сынып оқушысы Сүлейменов Еламан.

Мұғалімі: Абдраханова Қ.Н.

Наурызым келгенде

Шығарма Көктем-Наурыз

Жер-жаһанды сері самалға өткізген, жұрттың аузын аққа жеткізген, нұр тамшыларын аямай төккізген, Самарқанның көк тасын ерітіп, алтын күрекпен жер жүзін жібіткізген, тас жүректерді мейіріммен үгітіп, жеті қат жер астына дейін балқытқызған, жыл құстарының әнін шалқытып, Жетісуға жасылдан көйлек кигізген, Сарыарқаны самал желге сүйгізіп, Алатаудың төбесінен көкке тигізген, Қаратауға құт-берекені үйгізіп, ақ бұлақтарды ақтартқызып, шың-құздарды шаттатқызып, тізбектеп тырналарды,  шоршытып балықтарды, шапшытқан  арықтарды, тербелткен  наз қайыңдарды, төгілткен  жаз жайындағы  әнді, қаздарды қаңқылдатқан керемет жауһаз көктем Наурыз келді. Көктемді қоса құлпыртатын ол- Наурыз мерекесі.Менің жасым он бесте. Мен есімді білгелі өзім өсіп , тәрбиеленіп отырған отбасымда ерекше қарайды. Наурыз мерекесінің ерекшелігін көп айтады.Соған қысқаша тоқталып өтейін. Көне деректер бойынша, наурыз тоғыз күн тойланады екен. Ол той «Наурызнама» деп аталыпты. Мұны бай, ауқатты кiсiлер жасаған екен. Бiрақ әр отбасы өзiнше наурыз көже пiсiрiп, ақ толы ыдысын босағадан аттағанның бәрiне берген. Ауыл ақсақалдары үй-үйден дәм татып, баталарын берген, сыбағаларын ұсынған. Ол сыбаға iшiлместен бұрын қазанға құйылады. Бұл «Дәм-тұзымыз араласқан тату болайық» дегеннiң белгiсi екен. Ұлыс той келер түнi Қызыр бабаға арналып әр үйдiң төрiнде қос шырақ жағылатын болыпты. Үй иелерi бар ыдысты аққа, суға, «ырыс толсын» деп дәнге, «жауын-шашын көп болсын» деп бұлақ суына толтырыпты. Жылдың алғашқы күнiнде қар жауса «ақша қар», жаңбыр жауса «нұр жауды» деп қуанған екен. Күлiмдеп көрiнген күнге сәлем берiп, шаруаға кiрiсіп кеткен. 
Ұлыс - жақсы тiлектер күнi.Осы күні мен жақындарымның барлығына жақсы тілектер айтамын.Дастархан жасап, сыбағам болмасада барымды ортаға қоямын.Ол менің отбасымда жасалатын дүние.Мен өскенше әлі наурыздың ашылмаған тылсым дүниелері қосылады.Оның бәрін бойыма сіңіріп,әрі қарай жалғастыруға ұмтыламын.Өз ойымды мына қысқаша жолмен жеткізгім келеді.
Наурыз келіп көктем сазы білінер,
Ойнап- күлген жас балалар жүгірер.
Жаңа жылы қазақ деген ұлы елдің,
Наурыз ай шаттықпенен нұр берер.
Гүлі шығып дала жайнап құлпырған,
Далам қандай тамаша еді ән тұнған.
Бусап жатыр далам бүгін терлене,
Баурайынан қары кетіп құрсанған.
Құлпырған көктеміңмен түрлене,
 Келген бізге Ұлыс күні туған,
Қазағым, наурызың құтты болсын,
Көтерген шаңырағың биік болсын.
Тілектері ұлтымның қабыл болып,
Жақсылығын бір Алла иіп тұрсын.
Наурыз тойы- ақ батаның бастауы,
Береке мен бірліктің жалғасуы.
Жеті түрлі қасиетті дәмменен,
Байтақ елдің бір толады астауы.-аяқтаймын.

9 «б» сынып оқушысы Шпак Арина

Мұғалімі: Жетписпаева С.К.

9 «в» сынып оқушысы Жанделдинова Әйгерім

Мұғалімі: Хасенова А.К.

Наурыз мейрамы

Наурыз - жыл басы. Парсы тілінде "нау" - "жаңа", "руз" - "күн" деген ұғымдарды білдіреді. Халық наурыз мерекесіне алдын - ала дайындалады. Дәстүр бойынша үйге қос шырақ жағылады, ыдыстар ернеуіне дейін айранмен, сүтпен немесе бұлақ суымен толтырылады. Бұл - тоқшылықтың белгісі. Табиғатпен байланыс күн Анаға деген тағзымнан көрінеді. Бұл күні бұлақтар тазартылып, ағаштар отырғызылған. "Бұлақ көрсең, көзін аш!", "Бір тал ексең, он тал ек!", деген сөз осыдан шыққан болу керек. Наурыз - достық, еңбек, бейбітшілік мерекесі. Ұлыстың ұлы күні адамдар бір-біріне деген ренішін ұмытып өзіне де, өзгеге де жақсылық тілеген. Дастарқанның басты асы наурызкөже болған. Наурызкөже жеті түрлі тағамнан жасалған. "Наурыз көжені тойып ішу керек, сонда жыл бойы тоқшылық болады!" деген сенім бар. Дастарқан басында жастар үлкендердің батасын алған. Бата - үлкендердің өзінен жасы кішілерге беретін ықыласты тілегі. Ақсақалдар: "Ұлыс оң болсын! Ақ мол болсын, қайда барса жол болсын!" - деп бата береді.
   Дәстүр бойынша Наурыз айтыс өткізіледі. Бұл жақсылық пен жамандықтың, суық пен жылының, жаз бен қыстың айтысы.
Мереке қызған кезде жастар алтыбақан жанында ұлттық ойындар ойнайды. "Көкпар", "Бәйге", "Қыз қуу", "Жамбы ату" ойындары аса бір қуанышпен өтетін. Көңілді өткен Наурыз күні әр адамның есінде көпке дейін сақталатын. Біздің 32 гимназияда Наурыз мерекесін қарсы алу дәстүрге айналған. Сахнада наурыз мерекесіне арналып көріністер қойылады. Гимназияда "Ұлыстың Ұлы күніне" арналған мереке ерекше қуанышты өтеді. Жүректер жылыуын таратқан көктемнің бақыт сыйы Наурыз көп ұлтты еліміздің бірлесе тойлайтын - Достық мерекесі.
       22наурыз -Ұлыстың ұлы күнi. Бұл күнi күн мен түн теңеледi. Табиғат та, Жер-Ана да, жан-жануар да түлейдi, жаңарады. Адамзаттың бойында қан жүгiрiп, тал-теректер бүршiк жарады. Қазақтың сайын даласын Қызыр баба кезiп, адам баласына құт-береке, бақ-дәулет сыйлайды. Самарқанның көк тасы ерiп, қасиеттi қара жер, қара топырақ бусанады. Ұлы даланың төсiнде қызғалдақтар құлпыра өсiп, бел-белестерге қызылды-жасылды кiлем төселедi. Ұлан-байтақ Қазақстанның халқы жетi түрлi дәмнен наурыз көже жасап, ұлттық салт-дәстүр, әдет-ғұрыптарды сақтап, ай бойы Ұлыстың Ұлы күнiн тойлайды. Бүкiл Шығыс халқына ортақ бұл мейрамда араздасқандар татуласып, дүйiм халық, мұқым ел ауызбiршiлiкте болады.
   Наурыз - кей бiлгiштердiң жаңалық ашып, онысымен жұртты адастырып жүргенiндей, дiни мереке емес. Бұл бағзы заманнан қалыптасқан бүкiлхалықтық Жаңа жыл. Оны Иран, Ауғанстан, Үндiстан, Кавказ және Орта Азия халықтары төл мерекесi ретiнде тойлайды. Алайда, «Әр елдiң салты басқа, итi қара қасқа» демекшi, дәстүр өзгешелiгi де орын алған.
       Халқымыз жаңа жылға ертеден дайындалатын. Қысқы соғымның әбден сүрленген қадiрлi мүшелерiн осы күнi қазанға саламын деп сақтаған.
       Жас келiндер, бойжеткендер болса, кесте, орамал тiгiп, бозбалалар жағы ағаштан тұрмыс бұйымдарын жасап, темiрден сәндiк бұйымдарын соққан. Мұның бәрi - күн мен түн теңесетiн шақта кәдеге асатын «ұйқыашар», «селт еткiзер» жоралғыларының сый-тартулары. Көктемгi «өлiара» өтiсiмен, ата-бабамыз үй айналасын тазартып, қалың қар тiгiсi сөгiлген жайылымға мал шығарған. «Жаңа жыл мұнтаздай таза үйге кiрсе, ол үй ауру-сырқаудан, пәле-жаладан аман болады» деген сенiм бойынша, үй-iшiн де қағып-сiлкiп, отпен аластайды.

Наурыз тойы

Менің ең сүйікті жыл мезгілім – көктем. Өйткені осы кезде барлық әлем, барлық тіршілік ояна бастайды және осы кезде ең сүйікті мерекем – Наурыз тойы болады. Бұл мейрам – көнеден келе жатқан ұлы той. Біздің ата – бабамыздан қалған ұмытылмас асыл қазына. Наурызда халқымыз той тойлап, бір жасап қалады. Бұл кез табиғат нұрлы түске боянып, күн мен түн теңеліп, ағаштар бұршақ жарып, бәйшешектер жер астынан шығатын кез. Адамдар қуанып, бір-біріне қонаққа барып, мерекелік дастарқан жаяды. Бұл күні «Ақ мол болсын!», «Ұлыстың ұлы күні құтты болсын!» деген игі тілектер жан-жақтан естіліп жатады. 
 Менің қаламда Наурыз тойы ерекше аталып өтеді. Қаланың көшелері көркейіп, безеңділеді. Алаңдарда ақ қанатты үйлер құрылып, түрлі көрмелер қойылып, қазақтың ұлттық тағамдары жасалып, оның ішінде наурызкөже ерекше орын алады. Бұл тағам – Наурыз тойының басты тағамы. Наурыз көжені менің әжем сияқты ешкім дайындамайтын шығар! Бұл тағамды әжем өте дәмді қылып дайындайды,сондықтан бұл менің ең сүйікті ұлттық тағамым болып табылады. 
   Наурыз тойында салт-дәстүрлер көрсетіліп, ұлттық ойындар жүргізіледі. Мерекелік концерттер адамдарды толқытып, шаттандырады. Мен Наурыз тойында, қасиетті жылқы жылында, барлық адамзатқа зор денсаулық, табыстан-табыстарға жете берулеріне шын жүректен тілеймін!